The Greatest American Hero

The Greatest American Hero
Jatorria
Sortzailea(k)	Stephen J. Cannell
Izenburua	The Greatest American Hero
Jatorrizko hizkuntza	ingelesa
Jatorrizko herrialdea	Ameriketako Estatu Batuak
Sasoi kopurua	3
Atalak	45
Banatze bidea	eskatu ahalako bideo
Ezaugarriak
Genero artistikoa	komedia dramatikoa eta zientzia-fikzioa
Hizkuntza	ingelesa
Antzezlea(k)
William Katt
Bestelako lanak
Musikagilea	Mike Post
Emanaldia
Jatorrizko igorlea	American Broadcasting Company
Hasiera-data	1981eko martxoaren 18a
Amaiera-data	1983ko otsailaren 3a
Fikzioa
Kontakizunaren tokia	Los Angeles eta Kalifornia

The Greatest American Hero (euskaraz: «Amerikar Heroi Handiena») 1980ko hamarkadako EEBBko telesaila bat izan zen. Telesaila Superman superheroiaren nolabaiteko ikuspegi ironiko eta umorezkoa da.

Lehenbizikoz ABC katean 1981eko martxoaren 18a eta 1983ko otsailaren 3a bitartean aireratu zen.

Hego Euskal Herrian TVE1 katean egunero 15:30etan El gran héroe americano izenburupean aireratu zen. Ipar Euskal Herrian aldiz, Ralph Super-héros La Cinq katean izenburupean aireratu zen, gerora TF1 eta Ciné FX kateetan beste bitan ere berraireratu zelarik.

Argumentua

Ralph Hinkley (William Katt) "gazte liskarzaleak" hezitzen dituen maisu bat da. Egun batez, basamortuan barrena Estralurtarrekin topo egin eta hauek ahalmen bereziak dituen janzki bat emango diote. Ralphek janzkia poliziari ematea pentsatzen du, baina FBIko agente beterano batek (Robert Culp) janzkia krimenaren aurka borrokatzeko erabil dezan gordetzeko konbentzituko du. Betebehar horretan Ralphek bere neska-lagunaren laguntza ere izango du (Connie Sellecca).

Ralphek janzkia eta ahalmenak nola erabiltzen diren erakusten duen liburuxka basamortuan galtzen duenean istorio guztia korapilatuko da. Hortaz, janzkia jantzi eta eskarmentuaren bidez nola erabiltzen den ikasiko du, ondorioz maiz katramila ugaritan sartu eta hegaldi erorketa barregarriak izan ohi ditu.

Janzkiak Ralphi janzkiak ematen dizkion ahalmenak eta telesaila aurrera doan heinean ikasiko dituenak hauek dira: hegan egin, tiro eta kolpeekiko erresistentzia, ikusezina bilakatzea, gauzak gertatu baino lehen aurreikustea edo iragartzea, telekinesia, urruti gertatzen ari diren gauzen ikuskapena, superabiadura eta pertsonen izaeraren iragartzea.

Pertsonaiak

• William Katt, Ralph Hinkley/Hanley
• Robert Culp, Bill Maxwell
• Connie Sellecca, Pam Davidson
• Don Cervantes, Paco Rodriguez
• Faye Grant, Rhonda Blake
• Michael Paré, Tony Villicana
• Jesse D. Goins, Cyler Johnson
• William Bogert, Les Carlisle

Kanpo estekak

• The Greatest American Hero telesailaren sarrerako abestia entzungai. Youtube.com (Ingelesez)
• The Greatest American Hero telesailari buruzko webgunea (Ingelesez)
• The Greatest American Hero telesailaren IMDBko fitxa irakurgai (Ingelesez)

• Datuak: Q2297720